लण्डनको अर्पिङटन भन्ने ठाउँमा एक नेपालीको मृत्यु

अहिलेसम्म आगलागी कसरी भयो भन्ने खुलेको छैन। बेलायती प्रहरीले अनुसन्धान गरिरहेको बताएको छ। सोमबार राति अन्दाजी ११ बजेको समयमा हेल्प हेल्प भन्दै मृतक रञ्जनाका श्रीमान र छोराछोरी चिच्याएको आवाज सुनेपछि छिमेकीले प्रहरीलाई खबर गरेका थिए।

त्यसको केही मिनेटभित्रै अग्नी नियन्त्रकसहित प्रहरीको टोली आइपुगेको थियो। १ घण्टा १५ मिनेटभित्र आगो नियन्त्रणमा लिइएको भएपनि त्यतिञ्जेल रञ्जनाको मृत्यु भइसकेको थियो। घरको भु्इँतला, पहिलो तला र सिंढी आंशिक रुपमा जलेर नष्ट भएका छन्।

मृतक रञ्जना विगत १८ वर्षदेखि श्रीमानसँगै बेलायतमा बस्दै आएकी थिइन्। आगलागी भएको उक्त घरमा गुरुङ परिवार विगत ९ वर्षदेखि बस्दै आएको छिमेकीले बताएका छन्।