तमुधिं यूकेद्धारा राजदुत रेग्मीलाई स्वागत

नेपाली मेला २०२१ को तयारी तिव्र
काठमाण्डौ, भाद्र १
तमुधिं यूकेले बेलायतका लागि नेपाली राजदूत लोकदर्शन रेग्मी र राजदूतावास परिवारलाई स्वागत तथा सम्मान गरेको छ । शनिबार एक कार्यक्रमको आयोजना गरि राजदुत रेग्मी लगाएत राजदुतावास परिवारलाई तमुधिं यूकेका अध्यक्ष हित काजी गुरुंग लगाएतले भाङ्ग्रा, फेटा , पुष्पगुच्छा लगाएले स्वागत एवम् सम्मान गर्नुभएको हो । पाइपरको धुन बाट स्वागत गरिएको कार्यक्रममा राजदुत रेग्मीले तमुधिं र माजदुतावासको सहकार्यमा नेपाल कला संस्कृतिको रक्षा गर्न संग्राहलयको निर्माण तथा संचालन गर्दे आघि बढ्नुपर्नेमा जोड दिनुभयो । नेपाली महिलाहरुको विकासमा जोड दिदै दुर्गम क्षेत्रका बिद्यालयमा सहयोग गर्नुपर्नेमा राजदुत रेग्मीले आग्रह गर्नुभयो । राजदुतको प्रस्तावमा आफूहरु सहकार्य गर्दे अघि बढ्न तयार रहेको अध्यक्ष हित काजी गुरुङले जानकारी दिनुभयो । कार्यक्रममा गोर्खाकप भब्य रुपमा सफल पार्न सहयोग गर्नेहरु लन्डन इकाई र अध्यक्ष विष्णु गुरुङ, उपाध्यक्ष भरत गुरुङ, पूर्बअध्यक्ष चन्द्र बहादुर गुरुङ, सल्लाहकार ललितमान गुरुङ तथा आमा समुहलाई धन्यबाद प्रदान गर्दै सम्मान गरिएको थियो ।

गोर्खा कप सम्पन्न गरेकोमा संयोजक क्या. देब घले , मुख्यद्धारमा सहयोग गर्ने दक्षिण पूर्ब लण्डन इकाई र इकाई अध्यक्ष ह्यारीलाई खादा र फेटाद्धारा सम्मान एबम् धन्यबाद प्रदान गरिएको हो । कोषाध्यक्ष कमल गुरुङले गोर्खा कपको सम्पूर्ण आयब्यअ प्रस्तुत गर्दे सहयोग गर्ने सवैमा आभार ब्यक्त गर्नुभयो । कार्यक्रममा नेपाली मेला संयोजक एवम् उपाध्यक्ष हरी गुरुङले नेपाली मेलाको तयारीका बारेमा जानकारी दिनुभएको थियो । तमुधिं यूकेको आमा समुहको तर्फबाट अध्यक्ष हितकाजी गुरुङ र सीता गुरुङलाई समेत खादा र भाङ्ग्रा लगाएर बधाई तथा शुभकामना दिइएको थियो ।

बेल्जियमा ब्यवशाय गरिरहनुभएका हालै एन् आर एन् ए बेल्जिमको उपाध्य पदमा निर्वाचित तमु धी युकेको आजीवन सदस्य लाल बहादुर गुरुङलाई समेत तमुधीको तर्फ बाट बधाई तथा सम्मान गरेको थियो । कार्यक्रममा पूर्ब अध्यक्षहरु, आजीवन सदस्यहरु, आमा टोली , सल्लाहकार र इकाई सदस्यहरुको सहभागीता थियो । सयपत्री कल्चर सेन्टरबाट नाँच प्रस्तुत गरेका कलाकारहरु तथा सयपत्री ग्रुपलाई राजदुतबाट सम्मान गरिएको थियो । उपाध्यक्ष हरी गुरुङको स्वागतभाषण बाट शुरु भएको कार्यक्रमको संचालन महासचिव परशु गुरुङले गर्नुभएको थियो ।