आठौं ‘Magar’s Got Talent 2025’ नोभेम्बर ८ मा लन्डनमा — सहभागी हुन दर्ता खुला

लन्डन, बेलायत। मगर समुदायका युवाहरूको कला, संगीत र नृत्य प्रतिभा प्रदर्शनका लागि प्रतिक्षित कार्यक्रम ‘Magar’s Got Talent’ को आठौं संस्करण आगामी शनिबार, नोभेम्बर ८, २०२५ का दिन लन्डनस्थित Springwest Academy, Browells Lane, TW13 7EF मा आयोजना हुने भएको छ।

MAUK Magar Youth द्वारा आयोजना हुने यस वार्षिक प्रतिभा प्रदर्शनले मगर समुदायका युवाहरूको सृजनशीलता, सांस्कृतिक पहिचान र आत्मविश्वास उजागर गर्ने उद्देश्य राखेको छ।कार्यक्रमका लागि ढोका दिउँसो १२:०० बजे खुल्नेछ भने मुख्य प्रस्तुति १:०० बजेदेखि ७:०० बजेसम्म सञ्चालन हुनेछ।

अध्यक्ष दीपक थापा (मैथाने मगर) का अनुसार, “Magar’s Got Talent हाम्रो युवाहरूका लागि प्रेरणादायी मञ्च हो। यसपटक हामी अझ व्यवस्थित र आकर्षक कार्यक्रम ल्याउन उत्साहित छौं।”
वरिष्ठ उपाध्यक्ष करिश्मा थापाले भनिन्, “कार्यक्रमले मगर युवाहरूमा आत्मविश्वास र सांस्कृतिक गर्व बढाउनेछ, साथै उनीहरूको प्रतिभालाई व्यापक स्तरमा चिनाउनेछ।”
महासचिव विपना थापाका अनुसार, “प्रतिभा दर्ता सुरु भइसकेको छ र सहभागी संख्या उल्लेखनीय रूपमा बढ्दै गएको छ।”
सांस्कृतिक सचिव दिलु थापाले थपिन्, “यस वर्ष मगर परम्परा, संगीत र नृत्यको विविधता झल्काउने प्रस्तुतिहरू समावेश हुनेछन्।”

‘Magar’s Got Talent’ लगातार आयोजना हुँदै आएकोले अहिले मगर समुदायको सांस्कृतिक क्यालेन्डरमा एक प्रमुख वार्षिक आकर्षणको रूपमा स्थापित भइसकेको छ। कार्यक्रमले परिवार, साथीभाइ र समुदायलाई एउटै मञ्चमा ल्याई संस्कृति, ऊर्जा र मनोरञ्जनको उत्सवका रूपमा मनाउने अवसर प्रदान गर्नेछ।

कार्यक्रम विवरण:
• मिति: शनिबार, ८ नोभेम्बर २०२५
• स्थान: Springwest Academy, Browells Lane, TW13 7EF (लन्डन)
• ढोका खुल्ने समय: दिउँसो १२:०० बजे
• मुख्य कार्यक्रम: १:०० बजे – ७:०० बजे
• आयोजक: MAUK Magar Youth

दर्ता खुला छ – आफ्नो प्रतिभा देखाउने अवसर नछुटाउनुहोस्!
यहाँ दर्ता गर्नुहोस् सहभागी हुन नछुटाउनुहोस् https://forms.gle/j5NWsZcPkK7e4Gim9

London Kathmandu News परिवारले आठौं ‘Magar’s Got Talent’ २०२५ को सफल आयोजनाका लागि MAUK Magar Youth तथा सम्पूर्ण सहभागीहरूलाई हार्दिक शुभकामना व्यक्त गर्दछ।