१ जूनमा हुने ओपन कन्सर्टमा ५ हजार दर्शकहरु भेला हुने ।

दिउँसोको १२ बजेवाट साँझ ८ बजे सम्म चल्ने कार्यक्रममा, कार्यक्रम स्थलमा नेपाली खाना ब्यबसाय निशुल्क चेक अप लगायत करिब ४० वटा स्टल रहनेछन । कार्यक्रम हेर्ने दर्शकको लागि प्रवेश शुक १५ पौण्ड छ भने बालबालिकाको लागि १२ पौण्ड मात्र लाग्ने छ ।कार्यक्रमका मुख्य अतिथि बेलायतका लागि नेपाली राजदुत डा. दुर्गा बहादुर सुबेदी तथा स्थानीय रशमोर बरोका मेयर लगायत बिशेष अतिथिहरु सहभागिता रहने छन् ।

पत्रकार सम्मेलन कार्यक्रमको प्रमुख संयोजक तथा संघका वरिष्ठ उपाधक्ष्य सीता पुन कार्यक्रमको तयारी वारे जानकारी गराएकी थिईन ।संघका अधक्ष्य सुनिल रानाले कार्यक्रम मार्फत बेलायत बहरी छरिएर रहेका सम्पूर्ण नेपालीहरु एकै ठाउंमा जम्मा गराएर उनीहरुको सद्धावलाई बढाउने लक्ष्य राखिएको बताए । ओपन कन्सर्ट बेलायतवासी सम्पूर्ण नेपालीहरुको लागि आयोजना गरिएको भन्दै आयोजकले सबैको सहभागिताको लागि अनुरोध गरेका छन् । कार्यक्रममा गैर मगर समुदायका कलाकारहरु समेतको प्रस्तुति गर्न जनाउदै उनीहरुले कार्यक्रम सम्पूर्ण नेपालीको लागि हो भन्ने संदेश दिन खोजिएको बताएका छन् । सोहि अवसरमा संघका संरक्षक घन थापा पुर्व अधक्ष्य दुत पुन सल्लाहकार रि ले कर्णाल याम राना ओम प्रशाद थापा लगायतले कार्यक्रमका बिबिध पक्षवारे प्रकाश पारेका थिए । संघको सास्कृतिक सचिव सरु राना गुरुङले कार्यक्रम प्रस्तुति गर्ने कलाकारहरु वारे जानकारी गराएको थिइन् । संघका महासचिव रुद्र थापाले कार्यक्रम संचालन गरेका थिए ।