भूमिसरा थापा (सारुमगर) सम्मानित

पाल्पा जिल्ला समाज (पाल्पाली भञ्ज्याङ) युकेले वार्षिक उत्सवको अवसरमा ८६ वर्षीया आमा भूमिसरा थापालाई ’मदर अफ द पाल्पाली समाज युके‘को उपाधिले सम्मान गरेको छ । उनलाई कार्यक्रमका मुख्य अतिथि बेलायतका लागि नेपाली राजदूत डा. दुर्गाबहादुर सुवेदी र संस्थाका अध्यक्ष वाचस्पति रेग्मीको बाहुलीबाट सर्टिफिकेट र खादाद्वारा सम्मान गरिएको हो ।

भूमिसरा थापाको स्थायी ठेगाना पूर्वी पाल्पा, ताहूँ घोर्पालछाप हो भने उनका पति सार्जेन्ट अम्मरसिंह थापा (सारूमगर) ६ गोर्खा राईफल्स ब्रिटिश आर्मीका एक अवकाश प्राप्त सैनिक थिए । उनका दुई सन्तान अर्थात् एक छोरा र एक छोरी छन् । उनी छोरा याम थापाका सपरिवारका साथ बेलायतको लण्डनमा बसोबास गरिरहेकी छन् भने छोरी सङ्गिनी राना सपरिवारसहित अमेरिकामा बस्दै आएकी छन् ।