१/८० इनटेक बहुदलले गर्यो नम्बरीको उद्धार

१९८० सालमा ब्रिटिस आर्मीमा लागेका खोटाङको खोट्टेहाङ गाउँपालिका ४ का पर्शुराम राई तालिमको क्रममा एक्कासी कान नसुन्ने स्वस्थ्यमा समस्या देखा परेपछि नेपाल फर्कनु बाध्य भएका थिए । ब्रिटिस आर्मीमा लागेपनि तीन महिना नपुग्दै फालिएपछि नेपालमा दुख पाएर बसेको पर्शुराम राईलाई १/८० इनटेक बहुदलले नम्बरीलाई उद्धार गरेको छ ।

जीवन दुःखमा डुविरहेको बेला खोटाङको खोट्टेहाङ गाउँपालिका ४ का पर्शुराम राईले नसोचेको खुशी पाएका छन् । १/८० इनटेक बहुदल नम्बरीहरुले जग्गा खरिद गर्नुको लागि युकेवाट ७ लाख ४० हजार आर्थिक संकलन गरेर पठाएको हो । त्यो सहयोगले उदयपुरको त्रियुगा नगरपालिका १२ विसनपुरमा १० धुर जग्गा खरिद गरेका छन् ।

धरानका सिनियर वेलफेर अफिसर पूर्ण लिम्बुको सयोगार्थ वेलफेरले त्यसमा नयाँ पक्की घर बनाई दिएको छ भने मासिक ११ हजार ५ सय पेन्सन पाएका छन् । खान, लाउन धौधौ परिरहेको अवस्थाका जग्गा, नयाँ घर र वेलफेर पेन्सन पाउदा रमाई रहेका छन् ।

पेन्सन र घर बनाउन वेलफेयरले नै सहयोग गर्ने प्रावधान रहेता पनि जग्गा स्वयम्ले नै व्यवस्था गर्नु पर्ने तर उनीसंग जग्गा किन्ने हैसियतसमेत नरहे पछि आर्थिक सहयोग जुटाउनु परेको थियो । आर्थिक संकलनका लागि सिनियर वेलफेयर अफिसर लिम्बुले नै सयोजन तथा सहजिकरण गरेका थिए । वेलफेयरले बनाई दिएको एकतले पक्की घर राईलाई हस्तान्तरण गरिएको छ । वेलफेयरको प्रतिनिधित्व गर्दै सिनियर अफिसर लिम्बुले राईलाई घर हस्तान्तरण गरेका हुन् ।

तीन सन्तान र श्रीमतीसहितको राई परिवार खोटाङमा आफनो दाजुको घरमा बस्दै आएका थिए । वेलफेयर र १/८० इन्टेक बहुदल नम्बरीहरुको सहयोगमा बनेको आफ्नाे नामको घरजग्गामा बस्न पाउदा सबै परिवारमा खुसी छाएको छ । जीवनदेखि हरेस खाईसकेको अवस्थामा यतिसम्मको सुखको दिन भोग्न पाउदा सपना जस्तै लागेको पर्शुराम राई बताउछन ।