लण्डनमा काम गर्ने बाबु र छोरीको कोरोना भाइरसबाट मृत्यु

लण्डन । बेलायतको हित्रो बिमानस्थलमा काम गर्ने बुबा र छोरीको कोरोनाभाइरसबाट २४ घण्टा भित्र निधन भएको छ। हीथ्रो बिमानस्थलमा कार्यरत ६१ बर्षका अध्यागमन अधिकारी सुधीर शर्मा र उनकी छोरी ३३ बर्षकी फर्मासीस्ट पुजा शर्माको कोरोना भाइरसबाट मृत्यु भएको हो ।टर्मिनल तीनमा कार्यरत सुधीर शर्माको बुधवार र फार्मसिस्ट छोरी पूजा शर्माको अर्को दिन निधन भएको थियो । जनवरी पहिलो सात देखि बिमानस्थलमा काम थालेका शर्मालाई कोरोना भाइरसले अफिसबाट भन्दा बाहिरी कन्टामीनेसनबाट रोग लागेको दावी गरिएको छ ।

शर्माको अन्त्येष्टिमा समेत कोहि जान नमाने पछी स्थिति भयावह छ। समाचारका अनुसार आफ्ना श्रीमान्को अन्त्येष्टिमा ‘आइसोलेसन’ मा बस्नु परेकाले श्रीमती मलामी जान पाइनन्।‘यो तुलना नै गर्न नसकिने पीडा हो’, स्रोतलाई उल्लेख गर्दै समाचारमा लेखिएको छ, ‘उनकी श्रीमती आइसोलेसनमा बस्नु परेकाले अन्तिम संस्कारमा सहभागी गराउन सकिएन। यो निकै दर्दनाक अवस्था हो।’

पश्चिमी लन्डनको होन्स्लोका बसोबास गरेका सुधीर शर्मालाई अन्य रोगद्वारा समेत पिडित भएको बताएको छ। बेलायती दैनिक पत्रिका ‘द सन’ ले उनीहरु बेलायती थिए वा अन्य मुलुकका भन्ने खुलाएको छैन। होन्स्लो क्षेत्रमा करिब तीन हजार नेपाली परिवार बसोबास गर्दै आएको अनुमान छ ।